Stærsta laxi í heimi var ,,landað“ í Achorage í Alaska í síðustu viku. Hann vegur 91.000 pund og er í líki flugvélar frá Alaska Airlines.
Auk flugfélagsins stendur markaðsstofnun sjávarafurða í Alaska að þessu framtaki en með því að skreyta vélina með mynd af laxi vilja þessir aðilar minna á mikilvægi laxveiða og laxaframleiðslu í þessu nyrsta ríki Bandaríkjanna.
Þessi flugvél Alaska Airlines leysir af hólmi aðra flugvél sama félags sem einnig var máluð á þennan hátt og vakti mikla athygli hvarvetna þar sem hún fór.
