Rússar og Norðmenn hafa komið sér saman um niðurskurð á ýsukvóta í Barentshafi á næsta ári. Ýsukvótinn þar er engu að síður sá stærsti á norðurslóðum.
Heildarkvóti í ýsu í Barentshafi verður 178.500 tonn á næsta ári og dregst hann saman um 21.500 tonn. Norðmenn fá að veiða 88.115 tonn. Á vef FishUpdate segir að fiskkaupendur á Humber-svæðinu á Bretlandi hafi áhyggjur af þessum niðurskurði og spái því að ýsuverð muni því hækka á næsta ári.
