Bjarni Sæmundsson, rannsóknarskip Hafrannsóknastofnunar, er nú við síldarmælingar í Breiðamerkurdjúpi, suðaustan við landið. Bjarni náði mælingu í gær og nótt en fer svo vestur fyrir land undir helgi, að því er fram kom í hádegisfréttum RÚV.
Þorsteinn Sigurðsson, sviðsstjóri nytjastofna hjá Hafrannsóknastofnun, segir i samtali við RÚV að í fyrravetur hafi um fimmtungur af síldarstofninum verið á þessu svæði, en ekki sé enn ljóst hve mikið er þar nú. Síldveiðar hafa gengið frekar treglega í haust. Búið er að landa um 55 þúsund tonnum af 87 þúsund tonna kvóta.
