Nú fara fleiri að blanda sér í slaginn í makrílveiðunum við landið. Þannig er frystitogarinn Sigurbjörn ÓF að leggja úr höfn í dag til makrílveiða, að því er fram kemur á vef Ramma hf.
Af 155 þúsund tonna makrílkvóta Íslendinga á þessu ári hefur tæplega 35 þúsund tonnum verið ráðstafað til frystitogara og annarra vinnsluskipa sem ekki falla undir uppsjávarveiðiflotann sem er með veiðireynslu í makríl frá árunum 2007-2009.
