Á þessu fiskveiðiári hefur Samherji á Akureyri yfir að ráða 16.784 tonnum í aflaheimildum í þorski. Það jafngildir 9,99 prósent alls þorskkvótans að þessu sinni.
Samherji er með þessu efstur í lista Fiskifrétta yfir þær 50 útgerðir eru með mestan kvóta í þorski.
Á eftir Samherja koma Brim í Reykjavík með 11.350 tonn og 6,76 prósent kvótans, Ísfélagið í Vestmannaeyjum með 11.081 tonn og 6,6 prósent kvótans, FISK-Seafood á Sauðárkróki með 9.504 tonn og 5,66 prósent, Þorbjörn í Grindavík með 8.737 tonn og 5,2 prósent, Vísir í Grindavík með 8.644 tonn og 5,15 prósent og Skinney-Þinganes á Hornafirði með 7.536 tonn og 4,49 prósent. Hérna sést að stórútgerðirnar tvær í Grindavík eru samanlagt með yfir tí u prósent kvótans eða 10,35 prósent.
Nánar má lesa um þennan lista og aðrar aflaúthlutanir í Kvótablaði Fiskifrétta.
