Árleg brottkastsskýrsla Hafrannsóknastofnunar hefur verið birt. Í fiskum talið var brottkast þorsks 2001-2007 um 1,9 millj. fiska að jafnaði eða 2,98% af meðalfjölda landaðra fiska, en brottkast ýsu var um 4,3 millj. fiska eða 8,50%. Samanlagt brottkast þessara tegunda var því um 6,2 millj. fiska á ári að jafnaði 2001-2007.
Brottkast þorsks var 2.419 tonn árið 2007 eða 1,51% af lönduðum afla, og er það næst hæsta gildi tímabilsins 2001-2007. Brottkast ýsu var 2.167 tonn eða 2,04% af lönduðum afla, og er það lægsta hlutfall brottkasts ýsu 2001-2007. Brottkast ufsa og gullkarfa var ekki mælanlegt.
Fiskifréttir hafa áður birt upplýsingar úr skýrslunni, en hana er hægt að lesa í heild á vef Fiskistofu, HÉR
