Bátum gefst nú kostur á því að leigja veiðirétt á takmörkuðu magni af íslensku sumargotssíldinni. Fiskistofa hefur auglýst eftir umsóknum um þessar veiðar.
Samkvæmt reglugerð frá atvinnuvegaráðuneytinu skal úthluta á þessu fiskveiðiári 500 tonnum af síld til skipa allt að 200 brúttótonn að stærð sem ekki stunda veiðar með vörpu. Heimilt er að úthluta skipi allt að 8 lestum í senn gegn 13 króna greiðslu á hvert kíló.
Fiskistofa annast úthlutun aflaheimilda á grundvelli umsókna og skal úthluta aflaheimildum vikulega.
