Þrátt fyrir að rækjuveiðar hafi verið stöðvaðar í tvo mánuði árið 2013 veiddust alls tæplega 11 þúsund tonn af rækju sem er mun meira en mörg undanfarin ár. Rösklega 50 bátar stunduðu veiðarnar. Þetta kemur fram á vefnum aflafrettir.is
Af þessum afla komu tæp 7.000 tonn af skipum sem veiddu úthafsrækju til vinnslu í landi og 2.400 tonn af frystiskipum. Að auki veiddust 1.500 tonn af innfjarðarækju í Arnarfirði og Ísafjarðardjúpi.
Aflahæsta skipið var frystitogarinn Ísbjörn ÍS með 968 tonn í 11 löndunum og kom mest með 133 tonn úr einum túr. Aflahæsti ísrækjubáturinn var nú sem oft áður Sigurborg SH með 750 tonn í 30 löndunum og mest 32 tonn í einni löndun.
Sjá nánar á aflafrettir.is
