Úthafskarfaveiðar íslenskra togara á Reykjaneshrygg hófust í þessari viku og lofar byrjunin góðu. Kristinn Gestsson skipstjóri á Þerney RE tjáði Fiskifréttum að afli skipanna hefði verið 2-3 tonn á togtímann sem væri hæfilegt magn til vinnslu um borð. Tvö önnur íslensk skip voru komin á miðin um miðja vikuna, Venus HF sem HB Grandi gerir einnig út og Arnar HU í eigu FISK Seafood.
Auk íslensku skipanna eru um tuttugu erlend skip á karfamiðum að veiða úr torfu sem heldur sig á og í námunda við 200 mílna lögsögumörkin. Flekkurinn teygir sig inn fyrir línuna þannig að Íslendingarnir geta athafnað sig einir og ótruflaðir inni í eigin lögsögu sem auðvitað er óskastaða, að sögn Kristins.
Nánar í Fiskifréttum sem fylgja Viðskiptablaðinu.
