Bæst hefur í hóp þeirra útgerða sem nú nota Alda öryggisstjórnunarkerfi sem byggir á íslensku hugviti og er þróað í samvinnu við sjómenn og útgerðarmenn. Alls nota kerfið núna fjórtán útgerðir um borð í um 40 skipum og framundan er útrás til annarra landa.
Gísli Níls Einarsson, framkvæmdastjóri Öldunnar, var mættur á sjávarútvegssýninguna með sínu fólki til að kynna kerfið. Öryggisstjórnunarkerfið stuðlar að því að allt sem snýr að öryggismálum sjómanna hjá útgerðum er nú stýrt á einum stað og auðveldar allt skipulag og framkvæmd öryggismála á sjó. Skipstjórnendur og stjórnendur útgerða hafa í rauntíma fulla yfirsýn gegnum stafrænt mælaborð hvernig þeim gengur að sinna öryggismálum sjómanna um borð í hverju skipi fyrir sig og hjá útgerðinni í heild sinni. Allar úttektir í öryggismálum, björgunaræfingar og nýliðaþjálfun um borð í skipum eru skráðar af sjómönnum sjálfum gegnum Öldu-appið. Með þeim hætti eru sjómenn virkjaðir í öryggismálum í gegnum snjallsíma.
Flestar af stærri útgerðum landsins hafa núna tekið upp Ölduna og á morgun verða þau tímamót að Loðnuvinnslan á Fáskrúðsfirði bætist í hópinn þegar skrifað verður undir samning á bás þeirra síðarnefndu á sjávarútvegssýningunni á morgun.
„Í síðustu viku gengum við frá samkomulagi um innleiða Ölduna í tvö skip grænlenskrar útgerðar, Polar Pelagic A/S, sem gerir út m.a. út Polar Amarok þar sem Íslendingurinn Geir Zoëga er skipstjóri. Við erum því að hefja útrásina núna í næsta mánuði,“ segir Gísli Níls.
Til enskumælandi markaða
Fyrirtækið fékk styrk frá Tækniþróunarsjóði til þess að hefja útrásina. Þýða þarf allt kerfið yfir á dönsku en samhliða hefur það verið þýtt yfir á ensku til þess að undirbúa útrás á enskumælandi markað. Allt markaðsefni Öldunnar á sýningunni er þess vegna á ensku. Aldan hefur einnig notið stuðnings tryggingafélagsins TM.
„Það er að taka gildi evrópsk reglugerð þar sem gerð er krafa um öryggishandbók um borð í fiskiskipum. Við höfum sett hana upp í Öldunni og hún birtist í appi Öldunnar. Í kjölfar sýningarinnar ætlum við að heimsækja fjölda útgerða og við stefnum að því að öryggisstjórnunarkerfið verði komið í um 80 skip í lok ársins sem er um 80% af markaðnum. Ísland er þróunarlandið og við erum að gera þetta með íslenskum sjómönnum. Tekjurnar eiga svo að koma stórum hluta erlendis frá þegar við höfum markaðssett kerfið utan landsteinanna.“
Kerfið er selt í áskrift til útgerða. Í haust verða kynntar fleiri nýjungar, eins og rafrænt áhættumat í gegnum síma og þjálfunar- og fræðslukerfi inn í appið.
Bæst hefur í hóp þeirra útgerða sem nú nota Alda öryggisstjórnunarkerfi sem byggir á íslensku hugviti og er þróað í samvinnu við sjómenn og útgerðarmenn. Alls nota kerfið núna fjórtán útgerðir um borð í um 40 skipum og framundan er útrás til annarra landa.
Gísli Níls Einarsson, framkvæmdastjóri Öldunnar, var mættur á sjávarútvegssýninguna með sínu fólki til að kynna kerfið. Öryggisstjórnunarkerfið stuðlar að því að allt sem snýr að öryggismálum sjómanna hjá útgerðum er nú stýrt á einum stað og auðveldar allt skipulag og framkvæmd öryggismála á sjó. Skipstjórnendur og stjórnendur útgerða hafa í rauntíma fulla yfirsýn gegnum stafrænt mælaborð hvernig þeim gengur að sinna öryggismálum sjómanna um borð í hverju skipi fyrir sig og hjá útgerðinni í heild sinni. Allar úttektir í öryggismálum, björgunaræfingar og nýliðaþjálfun um borð í skipum eru skráðar af sjómönnum sjálfum gegnum Öldu-appið. Með þeim hætti eru sjómenn virkjaðir í öryggismálum í gegnum snjallsíma.
Flestar af stærri útgerðum landsins hafa núna tekið upp Ölduna og á morgun verða þau tímamót að Loðnuvinnslan á Fáskrúðsfirði bætist í hópinn þegar skrifað verður undir samning á bás þeirra síðarnefndu á sjávarútvegssýningunni á morgun.
„Í síðustu viku gengum við frá samkomulagi um innleiða Ölduna í tvö skip grænlenskrar útgerðar, Polar Pelagic A/S, sem gerir út m.a. út Polar Amarok þar sem Íslendingurinn Geir Zoëga er skipstjóri. Við erum því að hefja útrásina núna í næsta mánuði,“ segir Gísli Níls.
Til enskumælandi markaða
Fyrirtækið fékk styrk frá Tækniþróunarsjóði til þess að hefja útrásina. Þýða þarf allt kerfið yfir á dönsku en samhliða hefur það verið þýtt yfir á ensku til þess að undirbúa útrás á enskumælandi markað. Allt markaðsefni Öldunnar á sýningunni er þess vegna á ensku. Aldan hefur einnig notið stuðnings tryggingafélagsins TM.
„Það er að taka gildi evrópsk reglugerð þar sem gerð er krafa um öryggishandbók um borð í fiskiskipum. Við höfum sett hana upp í Öldunni og hún birtist í appi Öldunnar. Í kjölfar sýningarinnar ætlum við að heimsækja fjölda útgerða og við stefnum að því að öryggisstjórnunarkerfið verði komið í um 80 skip í lok ársins sem er um 80% af markaðnum. Ísland er þróunarlandið og við erum að gera þetta með íslenskum sjómönnum. Tekjurnar eiga svo að koma stórum hluta erlendis frá þegar við höfum markaðssett kerfið utan landsteinanna.“
Kerfið er selt í áskrift til útgerða. Í haust verða kynntar fleiri nýjungar, eins og rafrænt áhættumat í gegnum síma og þjálfunar- og fræðslukerfi inn í appið.
