Í nýjustu Fiskifréttum er meðal annars fjallað um veiðar, vinnslu og markaðssetningu á makríl frá ýmsum hliðum, gang humarveiðanna, vaxandi línuveiðar á blálöngu, steinbítsskot norðan við Horn, nýsmíðaðan krókaaflamarksbát, tegundagreiningu á síld um borð í fiskiskipum og birt ítarlegt viðtal við sjávarútvegsráðherra um ástand og horfur í þorskveiðum.

- Makríllinn er nýjasti nytjafiskurinn á Íslandsmiðum. Fjallað er um makrílstofninn í Norðaustur-Atlantshafi og rætt við skipstjóra, fiskifræðing og rannsóknamann frá Matís um veiðar og vinnslu makríls hér við land að undanförnu.

- Áfram prýðisgóð humarveiði sunnan- og suðaustanlands.

- Muggur KE, nýsmíðaður 15 tonna bátur frá Sólplasti ehf.

- Meira af blálöngu vegna hækkandi sjávarhita.

- Íslensk og norsk-íslensk síld tegundagreind í veiðiskipum

- ,,Allt að tonn á balann”. Steinbítsskot norðan við Horn.

- ,,Þorskurinn í mun betra ástandi en áður”, segir Árni Ólafur Sigurðsson skipstjóri á frystitogaranum Arnari HU, sem er ,,karlinn í brúnni” þessa vikuna.

- Friðrik J. Arngrímsson framkvæmdastjóri LÍÚ skrifar skoðunargrein vikunnar sem hann nefnir: ,,Skynsamleg ákvörðun aflamarks”.

- Aflahæstu skip og bátar í júnímánuði. Tafla og umfjöllun.

- Og margt fleira.