Ákveðið hefur verið aflamark íslenskra skipa í norsk-íslenskri síld á árinu 2008.
Alls er þeim heimilt að veiða 220.262 lestir á árinu, þar af er leyfilegt að veiða 40.986 lestir í norskri lögsögu norðan 62°N og utan 12 sjómílna landhelginnar.
Fiskistofa mun fljótlega úthluta aflamarki til einstakra skipa. Eftirstöðvar kvótans frá síðasta ári námu 10 þús. tonnum og flytjast þau yfir á þetta ár.
