Norðmenn fluttu út sjávarafurðir fyrir 1.190 milljarða ISK

ff

Norðmenn fluttu út sjávarafurðir fyrir 51,6 milljarða NOK árið 2012 (1.190 milljarða ISK). Þetta er um 1,8 milljarða króna samdráttur frá árinu áður.

Þrátt fyrir samdrátt er Noregur stærsti útflytjandinn á sjávarafurðum bæði til ESB og Rússlands. Um 20% af sjávarafurðum í ESB hafa norskan uppruna og um 38% sjávarafurða í Rússlandi.

ESB er mikilvægasta markaðssvæðið fyrir norskar sjávarafurðir. Um 57% af útflutningi þeirra fóru þangað. Útflutningurinn til ESB var 29,6 milljarðar NOK árið 2012 (683 milljarðar ISK). Rússland er mikilvægasta einstaka landið. Þangað voru fluttar sjávarafurðir fyrir 6 milljarða NOK (138 milljarðar ISK). Annað stærsta markaðslandið er Frakkland með 4,9 milljarða NOK (113 milljarðar ISK).

Útflutningur á laxi og öðrum eldisfiski jókst um 600 milljónir NOK og nam 31,5 milljörðum NOK. Fiskeldi er þannig með um 61% af heildarútflutningi sjávarafurða frá Noregi 2012.