Tuttugu og þrír aðilar frá Íslandi, Noregi, Danmörku og Svíþjóð mættu til skrafs og ráðagerðar á Best Western hótelinu í Kaupmannahöfn dagana 13 til 14 maí í vor og ræddu ástandið í humarveiðum þjóðanna.
„Fyrri daginn var farið yfir veiðar og vinnslu, veiðarfæri og ráðgjöf og stofnmat. Þeim degi lauk með kynningu á upphafi humarveiða við Ísland. Seinni daginn var meira um samtal fræðimanna, til að skiptast á skoðunum hvernig humarveiðum væri best stýrt til framtíðar, með sjálfbærum veiðum og hámarks verðmætasköpun í huga,“ segir í færslu á vef Matís.
Vantar mikið upp á þekkinguna
Minnt er á að humarveiðar hafa verið bannaðar á Íslandi síðan 2021 vegna hruns í stofninum.
„Mikið vantar upp á þekkingu á mælingu á stofnstærð humars og mikilvægt að bæta rannsóknir framtíðar. Liður í því var verkefnið NowLobster til að fá aðila frá hinum Norðurlöndunum sem stunda humarveiðar, fræðimenn, sjómenn, framleiðendur, embættismenn og veiðarfærasérfræðina, til að deila þekkingu og reynslu. Verkefnið var ekki síður hugsað til að fá breiðan hóp hagaðila til að ræða saman og skiptast á skoðunum og deila reynslu,“ segir á matis.is.
Er niðurstaða vinnufundanna sögð hafa verið sú að auka þyrfti rannsóknir á humri, með bættu samstarfi Norðurlandanna, og með þátttöku hagaðila greinarinnar.
Slæm umgengni í svarta hagkerfinu
„Mikið var rætt um þann skaða sem svart hagkerfi humarveiða veldur, en mikið er um að landað sé fram hjá vigt, og oft á tíðum með slæmri umgengni og lélegum gæðum. Finna þarf leiðir til að koma í veg fyrir þessa starfsemi,“ segir á matis.is.
Fram kemur að ekki séu átök milli gildru-veiðimanna og þeirra sem nota botnvörpu. „Þessar tvær aðferðir eru notaðar við ólíkar aðstæður og samhljómur um að báðar aðferðir eigi rétt á sér. Brottkast er víða vandamál og eins meðafli, þar sem á sumum svæðum verða menn að losa sig við afla þar sem ekki má veiða hann eða landa,“ segir á matis.is.
Þá er sagt að nauðsynlegt sé talið að halda framhaldsfund þar sem þessar áskoranir verði ræddar. Miðað sé við að gera tillögur um stjórnun humarveiða áður en veiðibanni lýkur á Íslandi.
Nálgast má skýrslu um vinnufundinn hér og frekari upplýsingar á heimasíðu verkefnisins https://norwlobster.com/
Tuttugu og þrír aðilar frá Íslandi, Noregi, Danmörku og Svíþjóð mættu til skrafs og ráðagerðar á Best Western hótelinu í Kaupmannahöfn dagana 13 til 14 maí í vor og ræddu ástandið í humarveiðum þjóðanna.
„Fyrri daginn var farið yfir veiðar og vinnslu, veiðarfæri og ráðgjöf og stofnmat. Þeim degi lauk með kynningu á upphafi humarveiða við Ísland. Seinni daginn var meira um samtal fræðimanna, til að skiptast á skoðunum hvernig humarveiðum væri best stýrt til framtíðar, með sjálfbærum veiðum og hámarks verðmætasköpun í huga,“ segir í færslu á vef Matís.
Vantar mikið upp á þekkinguna
Minnt er á að humarveiðar hafa verið bannaðar á Íslandi síðan 2021 vegna hruns í stofninum.
„Mikið vantar upp á þekkingu á mælingu á stofnstærð humars og mikilvægt að bæta rannsóknir framtíðar. Liður í því var verkefnið NowLobster til að fá aðila frá hinum Norðurlöndunum sem stunda humarveiðar, fræðimenn, sjómenn, framleiðendur, embættismenn og veiðarfærasérfræðina, til að deila þekkingu og reynslu. Verkefnið var ekki síður hugsað til að fá breiðan hóp hagaðila til að ræða saman og skiptast á skoðunum og deila reynslu,“ segir á matis.is.
Er niðurstaða vinnufundanna sögð hafa verið sú að auka þyrfti rannsóknir á humri, með bættu samstarfi Norðurlandanna, og með þátttöku hagaðila greinarinnar.
Slæm umgengni í svarta hagkerfinu
„Mikið var rætt um þann skaða sem svart hagkerfi humarveiða veldur, en mikið er um að landað sé fram hjá vigt, og oft á tíðum með slæmri umgengni og lélegum gæðum. Finna þarf leiðir til að koma í veg fyrir þessa starfsemi,“ segir á matis.is.
Fram kemur að ekki séu átök milli gildru-veiðimanna og þeirra sem nota botnvörpu. „Þessar tvær aðferðir eru notaðar við ólíkar aðstæður og samhljómur um að báðar aðferðir eigi rétt á sér. Brottkast er víða vandamál og eins meðafli, þar sem á sumum svæðum verða menn að losa sig við afla þar sem ekki má veiða hann eða landa,“ segir á matis.is.
Þá er sagt að nauðsynlegt sé talið að halda framhaldsfund þar sem þessar áskoranir verði ræddar. Miðað sé við að gera tillögur um stjórnun humarveiða áður en veiðibanni lýkur á Íslandi.
Nálgast má skýrslu um vinnufundinn hér og frekari upplýsingar á heimasíðu verkefnisins https://norwlobster.com/
