Mesti afli sem krókabátur kemur með að landi

ff

Krókaaflamarksbáturinn Bíldsey SH kom fyrir nokkru síðan með 22,5 tonn að landi. Þetta er mesti afli sem krókaaflamarksbátur hefur landað eftir einn róður, að því er fram kemur á vefnum aflafrettir.com. Fyrra metið átti Dögg SU sem landaði í fyrra 22,3 tonnum.

Afli Bíldseyjar fékkst í Litladýpi á 16 rekka að 19.600 króka. Ef reiknað er með 450 krókum í bala eru þetta 517 kíló að meðaltali á bala. Uppistaðan í aflanum var stór og góður þorskur en meðalþyngdin var 7 kíló. Bíldsey er lengsti og stærsti krókaaflamarksbátur landsins.

Sjá nánar á http://www.aflafrettir.com/blog/2012/08/17/626774/