Í apríl síðastliðnum var verð á laxi vel yfir 40 krónum norskum á kílóið. Á rúmlega tveimur mánuðum hefur verðið farið niður í 29 krónur. Þetta er mun meiri og hraðari verðlækkun en búist var við, að því er fram kemur í frétt á norska vefnum kyst.no.
Norskir markaðsmenn reikna með því að verðið hækki aftur í sumar þegar framboð minnkar en haustið veldur þeim áhyggjum þegar framleiðslan hefst að fullum krafti á ný. Þá hafa spár ekki gengið eftir um 40 þúsund tonna vöxt í útflutningi á laxi frá Noregi á fyrri árshelmingi 2011. Ennfremurgera norskir laxeldismenn ráð fyrir aukinni samkeppni frá Síle og Bretlandi á næstunni.
