Makrílrannsóknir eru tímafrek viðbót við hefðbundin verkefni rannsóknaskipanna án þess að heildarúthald þeirra sé aukið. Það þrengir svigrúmið til að sinna öðrum þörfum verkefnum.
Þetta kemur fram í viðtali við Jóhann Sigurjónsson forstjóra Hafrannsóknastofnunar í nýjustu Fiskifréttum.
Rannsóknaskipið Árni Friðriksson mun verja 28 dögum til makrílrannsókna á þessu ári og Bjarni Sæmundsson 16 dögum, auk þess sem fyrra skipið verður bundið í úthafskarfarannsóknum í næstum mánaðartíma.
Fjárskortur hamlar eðlilegri útiveru rannsóknaskipanna sem fyrr. Þannig verður Árnið Friðriksson í aðeins 174 daga á sjó samanborið við 182 daga í fyrra og 199 daga í hittifyrra. Úthald Bjarna Sæmundssonar verður svipað og áður eða 160 dagar. Jóhann segir að miðað við svo fáa daga sé á mörkunum að það borgi sig að gera út tvö skip.
Sjá nánar um verkefnaáætlun rannsóknaskipanna í Fiskifréttum.
