Sjávarútvegsráðherra undirritaði í dag reglugerð sem lengir þann frest sem handhafar veiðileyfa í makríl hafa til veiðanna. Samkvæmt eldri reglu var veiðileyfi til makrílveiða bundið því skilyrði að skip hefði landað a.m.k. 50% af upphafsúthlutun þann 20. ágúst 2011 en nú hefur sá frestur verið framlengdur til 26. ágúst.
Fyrr í þessum mánuði var úthlutað í flokki skipa án vinnslu heimildum af skipum sem ekki höfðu náð að veiða 20% heimilda í makríl fyrir lok júlí. Tæp 2 þúsund tonn komu þannig til endurúthlutunar innan flokksins og skiptust þau á 35 skip sem eftir voru.
