Vöktunarrannsókn á laxi og urriða í Árbæjarkvísl Elliðaánna sem Laxfiskar ehf. unnu fyrir Orkuveitu Reykjavíkur frá árinu 2021 í kjölfar þess að vatnsmiðlun í Árbæjarlóni var aflögð í lok október 2020 sýnir að breytingin hefur gagnast laxfiskum vel.
„Rannsóknarvinnan 2023 sýnir að laxinn nýtir sér vel að opnað hefur verið fyrir fiskgengd upp Árbæjarkvísl. Laxinn nýtir ekki síst þau hrygningarsvæði sem endurheimst hafa á fyrrum áhrifasvæði Árbæjarlóns og fjöldi laxaseiða þar vitnar um góða afkomu seiðanna,“ segir í skýrslu Jóhannesar Sturlaugssonar, eiganda Laxfiska.
Sjö prósent hrygndu í kvíslinni
„Í ljósi talninga á hrygningarlaxi í Árbæjarkvísl og með hliðsjón af því að 2.027 laxar gengu í Elliðaárnar til hrygningar 2023 samkvæmt kvikmyndafiskteljaragögnum, þá er ljóst að 7 prósent laxanna sem gengu í Elliðaárnar 2023 sáust á einum og sama sólarhringnum í Árbæjarkvísl í upphafi hrygningar haustið 2023 og því ljóst að fleiri laxar fóru þar um,“ segir í skýrslunni. Megi áætla að nálægt 7 prósent laxanna sem gengu í Elliðaárnar 2023 hafi hrygnt í Árbæjarkvíslinni.
Stærsti hrygningarstofn á þessari öld
„Rannsóknarniðurstöður 2023 vitna um mikla velgengni laxins í Árbæjarkvísl í kjölfar þess að sá einkennisfiskur Elliðaánna endurheimti gönguleið sína þar sem og hrygningar- og uppeldissvæði, í kjölfar þess að vatnsmiðlun fyrir tilstilli manngerðs Árbæjarlóns var aflögð. Sterk staða laxins í Árbæjarkvísl vitnar um mikilvægis þess hluta Elliðaánna fyrir vatnakerfi Elliðaánna,“ segir í skýrslunni.
Í annarri nýrri skýrslu sem er um Elliðaárnar í heild segir Jóhannes frá því að árið 2023 hafi 2.027 laxar gengið í árnar. Vegna breyttra veiðihátta sem feli í sér að veiddum laxi sé sleppt hafi sú ganga stærsta hrygningarstofni sem sést hafi í vatnakerfi Elliðaánna á þessari öld.
Þess má geta að nú þegar hafa fleiri laxar gengið í Elliðaárnar í sumar heldur en í fyrra. Fylgjast má með fiskgengd í Elliðárnar í rauntíma hér.
Vöktunarrannsókn á laxi og urriða í Árbæjarkvísl Elliðaánna sem Laxfiskar ehf. unnu fyrir Orkuveitu Reykjavíkur frá árinu 2021 í kjölfar þess að vatnsmiðlun í Árbæjarlóni var aflögð í lok október 2020 sýnir að breytingin hefur gagnast laxfiskum vel.
„Rannsóknarvinnan 2023 sýnir að laxinn nýtir sér vel að opnað hefur verið fyrir fiskgengd upp Árbæjarkvísl. Laxinn nýtir ekki síst þau hrygningarsvæði sem endurheimst hafa á fyrrum áhrifasvæði Árbæjarlóns og fjöldi laxaseiða þar vitnar um góða afkomu seiðanna,“ segir í skýrslu Jóhannesar Sturlaugssonar, eiganda Laxfiska.
Sjö prósent hrygndu í kvíslinni
„Í ljósi talninga á hrygningarlaxi í Árbæjarkvísl og með hliðsjón af því að 2.027 laxar gengu í Elliðaárnar til hrygningar 2023 samkvæmt kvikmyndafiskteljaragögnum, þá er ljóst að 7 prósent laxanna sem gengu í Elliðaárnar 2023 sáust á einum og sama sólarhringnum í Árbæjarkvísl í upphafi hrygningar haustið 2023 og því ljóst að fleiri laxar fóru þar um,“ segir í skýrslunni. Megi áætla að nálægt 7 prósent laxanna sem gengu í Elliðaárnar 2023 hafi hrygnt í Árbæjarkvíslinni.
Stærsti hrygningarstofn á þessari öld
„Rannsóknarniðurstöður 2023 vitna um mikla velgengni laxins í Árbæjarkvísl í kjölfar þess að sá einkennisfiskur Elliðaánna endurheimti gönguleið sína þar sem og hrygningar- og uppeldissvæði, í kjölfar þess að vatnsmiðlun fyrir tilstilli manngerðs Árbæjarlóns var aflögð. Sterk staða laxins í Árbæjarkvísl vitnar um mikilvægis þess hluta Elliðaánna fyrir vatnakerfi Elliðaánna,“ segir í skýrslunni.
Í annarri nýrri skýrslu sem er um Elliðaárnar í heild segir Jóhannes frá því að árið 2023 hafi 2.027 laxar gengið í árnar. Vegna breyttra veiðihátta sem feli í sér að veiddum laxi sé sleppt hafi sú ganga stærsta hrygningarstofni sem sést hafi í vatnakerfi Elliðaánna á þessari öld.
Þess má geta að nú þegar hafa fleiri laxar gengið í Elliðaárnar í sumar heldur en í fyrra. Fylgjast má með fiskgengd í Elliðárnar í rauntíma hér.
