„Íslenskur sjávarútvegur er eina sjávarútvegsgreinin meðal ríkja OECD sem er nettógreiðandi til samfélagsins. Í öllum öðrum ríkjum OECD er sjávarútvegur meira og minna ríkisstyrktur eins og landbúnaður,“ sagði Adolf Guðmundsson fráfarandi formaður Landssambands íslenskra útvegsmanna (LÍÚ) á aðalfundi sambandsins.
„Opinber gjöld sjávarútvegsfyrirtækja hafa hækkað umtalsvert á undanförnum árum og árið 2013 greiddi greinin yfir 25 milljarða króna. Þetta samsvarar rétt innan við 10% af útflutningstekjum sjávarútvegsins. Mest munar um veiðigjöld sem voru tæpir 10 milljarðar króna, þá var greiddur tekjuskattur sem nemur tæpum 9 milljörðum króna, tryggingagjöld náum yfir 5 milljörðum króna og kolefnisgjald á olíu nam um 1700 milljónum króna,“ sagði Adolf.
