Sigurbjörg ÁR-67, nýr ísfisktogari, er nú á heimleið frá Tyrkland. Í færslu á Facebook-síðu Ísfélagsins segir að ef allt gangi að óskum taki ferðin heim um tvær vikur. Skipið er nú á siglingu undan ströndum Sikileyjar.
„Í áhöfn er níu íslenskir skipverjar og tveir tyrkneskir tæknimenn munu sigla með skipinu í gegnum Dardanellsund en fara þar frá borði. Skipstjóri á Sigurbjörgu er Sigvaldi Páll Þorleifsson og yfirvélstjóri er Þorfinnur Hjaltason. Við óskum áhöfninni góðrar ferðar yfir höfin,“ segir í færslu Ísfélagsins.
Sagt var frá því í Fiskifréttum í ágúst í fyrra þegar Sigurbjörg var sjósett og framundan var að koma fyrir tæknibúnaði í skipinu:
„Sigurbjörg ÁR, nýr ísfisktogari Ramma, var sjósett við skipasmíðastöðina Celiktrans í Tyrklandi síðastliðinn þriðjudag. Viðstaddir voru fulltrúar skipasmíðastöðvarinnar, Nautic sem hannaði skipið og Ramma, sem nú heitir reyndar Ísfélag hf. eftir sameiningu Ramma og Ísfélags Vestmannaeyja fyrr í sumar.
Sigurbjörg ÁR er 48 metra langur togari og 14 metra breiður. Skrúfan er 4,2 metrar í þvermál. Skipið verður með fjórum togvindum og með möguleika á þriggja trolla veiðum. Aðalvélin er 1.795 kW. Skipið er hannað af íslenska skipahönnunarfyrirtækinu Nautic. Sama skrokklag er á skipinu og HB Granda skipunum sem Nautic hannaði upp úr 2015 með svokölluðu Enduro Bow stefni sem og Björg EA og Björgólfur EA, skip Samherja. Sigurbjörg er styttra en breiðara en Akurey og Viðey. Gert er ráð fyrir að ganghraðinn verði nálægt 14 mílur á um 80% vélarálagi.
Skipið verður að líkindum gert út á bolfiskveiðar og síðar á veiðar á humri taki humarstofninn við sér. Þegar Rammi var sjálfstætt fyrirtæki gerði hann út frystitogarann Sólberg sem kom nýr til landsins 2017. Einnig gerði Rammi út Múlaberg, Fróða II og Jón á Hofi,“ sagði á vef Fiskifrétta 26. ágúst 2023.
Sigurbjörg ÁR-67, nýr ísfisktogari, er nú á heimleið frá Tyrkland. Í færslu á Facebook-síðu Ísfélagsins segir að ef allt gangi að óskum taki ferðin heim um tvær vikur. Skipið er nú á siglingu undan ströndum Sikileyjar.
„Í áhöfn er níu íslenskir skipverjar og tveir tyrkneskir tæknimenn munu sigla með skipinu í gegnum Dardanellsund en fara þar frá borði. Skipstjóri á Sigurbjörgu er Sigvaldi Páll Þorleifsson og yfirvélstjóri er Þorfinnur Hjaltason. Við óskum áhöfninni góðrar ferðar yfir höfin,“ segir í færslu Ísfélagsins.
Sagt var frá því í Fiskifréttum í ágúst í fyrra þegar Sigurbjörg var sjósett og framundan var að koma fyrir tæknibúnaði í skipinu:
„Sigurbjörg ÁR, nýr ísfisktogari Ramma, var sjósett við skipasmíðastöðina Celiktrans í Tyrklandi síðastliðinn þriðjudag. Viðstaddir voru fulltrúar skipasmíðastöðvarinnar, Nautic sem hannaði skipið og Ramma, sem nú heitir reyndar Ísfélag hf. eftir sameiningu Ramma og Ísfélags Vestmannaeyja fyrr í sumar.
Sigurbjörg ÁR er 48 metra langur togari og 14 metra breiður. Skrúfan er 4,2 metrar í þvermál. Skipið verður með fjórum togvindum og með möguleika á þriggja trolla veiðum. Aðalvélin er 1.795 kW. Skipið er hannað af íslenska skipahönnunarfyrirtækinu Nautic. Sama skrokklag er á skipinu og HB Granda skipunum sem Nautic hannaði upp úr 2015 með svokölluðu Enduro Bow stefni sem og Björg EA og Björgólfur EA, skip Samherja. Sigurbjörg er styttra en breiðara en Akurey og Viðey. Gert er ráð fyrir að ganghraðinn verði nálægt 14 mílur á um 80% vélarálagi.
Skipið verður að líkindum gert út á bolfiskveiðar og síðar á veiðar á humri taki humarstofninn við sér. Þegar Rammi var sjálfstætt fyrirtæki gerði hann út frystitogarann Sólberg sem kom nýr til landsins 2017. Einnig gerði Rammi út Múlaberg, Fróða II og Jón á Hofi,“ sagði á vef Fiskifrétta 26. ágúst 2023.
