Kolmunnaveiðarnar í færeysku lögsögunni eru hafnar af fullum krafti og hver farmurinn á fætur öðrum berst nú til fiskimjölsverksmiðja Síldarvinnslunnar á Seyðisfirði og í Neskaupstað. Þetta kemur fram í færslu Síldarverksmiðjunnar í Neskaupstað á samfélagsmiðlum.
Hákon EA kom til Seyðisfjarðar um hádegi í gær með fullfermi og Barði NK er væntanlegur þangað í kvöld einnig með fullfermi eða 2.100 tonn. Verksmiðjan á Seyðisfirði hóf vinnslu um klukkan hálf tvö í gær. Eggert Ólafur Einarsson verksmiðjustjóri segir að allt líti vel út.
Nýr búnaður í verksmiðjunni í Neskaupstað
„Það gekk vel að starta enda allt klárt í verksmiðjunni. Hráefnið er afar gott því skipin eru fljót að fá í sig. Þetta lítur allt virkilega vel út”, segir Eggert Ólafur.
Hafþór Eiríksson, verksmiðjustjóri í Neskaupstað, segir að Vilhelm Þorsteinsson EA sé væntanlegur þangað með 3.100 tonn og verði verksmiðjan þá gangsett.
„Það verður spennandi að gangsetja núna því verið er að taka í notkun nýjan búnað í verksmiðjunni. Það hefur verið fjöldi manna að vinna við að gera allt klárt að undanförnu og nú mun reyna á ný tæki. Það er alltaf spennandi þegar vinnsla hefst eftir viðamiklar breytingar og ég játa að það er smá hnútur í maganum. Annars líst mér vel á veiðarnar, þær fara vel af stað og hráefnið er örugglega gott,” segir Hafþór.
Börkur NK er á landleið með tæp 3.200 tonn en Beitir NK er enn á miðunum og kominn með góðan afla.
Kolmunnaveiðarnar í færeysku lögsögunni eru hafnar af fullum krafti og hver farmurinn á fætur öðrum berst nú til fiskimjölsverksmiðja Síldarvinnslunnar á Seyðisfirði og í Neskaupstað. Þetta kemur fram í færslu Síldarverksmiðjunnar í Neskaupstað á samfélagsmiðlum.
Hákon EA kom til Seyðisfjarðar um hádegi í gær með fullfermi og Barði NK er væntanlegur þangað í kvöld einnig með fullfermi eða 2.100 tonn. Verksmiðjan á Seyðisfirði hóf vinnslu um klukkan hálf tvö í gær. Eggert Ólafur Einarsson verksmiðjustjóri segir að allt líti vel út.
Nýr búnaður í verksmiðjunni í Neskaupstað
„Það gekk vel að starta enda allt klárt í verksmiðjunni. Hráefnið er afar gott því skipin eru fljót að fá í sig. Þetta lítur allt virkilega vel út”, segir Eggert Ólafur.
Hafþór Eiríksson, verksmiðjustjóri í Neskaupstað, segir að Vilhelm Þorsteinsson EA sé væntanlegur þangað með 3.100 tonn og verði verksmiðjan þá gangsett.
„Það verður spennandi að gangsetja núna því verið er að taka í notkun nýjan búnað í verksmiðjunni. Það hefur verið fjöldi manna að vinna við að gera allt klárt að undanförnu og nú mun reyna á ný tæki. Það er alltaf spennandi þegar vinnsla hefst eftir viðamiklar breytingar og ég játa að það er smá hnútur í maganum. Annars líst mér vel á veiðarnar, þær fara vel af stað og hráefnið er örugglega gott,” segir Hafþór.
Börkur NK er á landleið með tæp 3.200 tonn en Beitir NK er enn á miðunum og kominn með góðan afla.