Kolmunni verður ekki frystur í ár um borð í Hugin VE. Útgerðarstjórinn segir að markaður fyrir frystan kolmunna sé í uppnámi vegna efnahagskreppunnar í heiminum. Bræðsluverðið sé stöðugra.
,,Það má segja að allur frystimarkaður sé í uppnámi út af peningaflæðinu þannig að við ákváðum að sleppa frystingu á kolmunna þetta árið," segir Páll Guðmundsson útgerðarstjóri í viðtali við ríkisúvarpið, en þess má geta að nokkur íslensk vinnsluskip hafa verið að frysta kolmunna að undanförnu á miðunum djúpt vestur af Írlandi.
Að sögn Páls er bræðsluverð á kolmunna nú um 14 krónur á kílóið.
