„Það er leyndardómur hvar síldin heldur sig núna. Helsta hugdetta mín er sú að hún hafi fundið sér aðrar vetursetustöðvar eins og gerst hefur í gegnum árin. Magnið í Breiðafirðinum er aðeins lítið brot af því sem verið hefur undanfarin ár,“ segir Páll Reynisson leiðangursstjóri á Dröfn í samtali við Fiskifréttir.
Páll segir að ekki hafi verið slegið neinni tölu á það hversu mikið af síld sé í firðinum enda hafi verið erftt að komast að til mælinga fyrir veiðiskipum þegar Dröfn var á miðunum fyrir mánaðamótin. Skipið leitaði síldar í síðustu viku í skipgengum fjörðum á Barðaströnd, úti við Skáleyjar og Sviðnur og meðfram Skarðsströnd en urðu einskis varir.
Sjá nánar í nýjustu Fiskifréttum.
