Nú hafa rúmlega 300 manns skráð sig á Sjávarútvegsráðstefnuna 2012 sem haldin verður á Grand Hótel í Reykjavík næstkomandi fimmtudag og föstudag. Gert er ráð fyrir að þátttakendur verði tæplega 400 talsins.
Sjávarútvegsráðstefnan er stærsti vettvangur allra sem starfa í sjávarútveginum en þetta er í þriðja sinn sem ráðstefnan er haldin. Á ráðstefnunni verða haldin 30 erindi um mikilvæg málefni sjávarútvegs um þessar mundir.
Heiti málstofa og áherslur eru eftirfarandi:
• Íslenskur sjávarútvegur 2012. Heildaryfirlit yfir framboð og áleitnum spurningum svarað.
• Eiga Íslendingar að vera með sameiginlegt markaðsstarf? Mikilvæg spurning þegar markaðir virðast vera erfiðari en síðustu árin.
• Framtíðartækifæri í fiskeldi. Mikill vöxtur í ár, hvernig verða næstu árin?
• Allt hráefni á land? Ný lög setja kvaðir á útgerðir, hvernig geta þau mætt þeim?
• Er framtíð í fullvinnslu á Íslandi? Hvernig er hægt að auka virði framleiðslunnar?
• Heimsframboð helstu botnfisktegunda. Það er ekki bara aukning í þorski á Íslandi, hvaða áhrif hefur aukning t.d. í Barentshafi?
• Framboð og eftirspurn uppsjávarfiska í N-Atlantshafi. Mikil aukning í uppsjávarveiðum í ár, hvernig eru horfur næstu árin?
• Opportunities for the seafood industry of Iceland in the EU, now or as member. Hvaða tækifæri eru fyrir íslensk fyrirtæki innan ESB í dag eða sem meðlimur?
Nánari upplýsingar eru á vefnum www.sjavarutvegsradstefnan.is
