Ekki er loku fyrir það skotið að Landhelgisgæslan þurfi að leigja frá sér þyrluna TF-SYN í verkefni erlendis vegna fjárskorts. Stofnunin hefur þetta til skoðunar og þá að þyrlan myndi sinna verkefnum erlendis í tvo mánuði á þessu ári.

Frá þessu greinir Morgunblaðið í blaði dagsins.

Þar segir að hugmyndin sé að brúa bilið á því gati sem hefur myndast við lækkun fjárheimilda í fyrra, en Morgunblaðið birtir greiningu á fjárhagslegri stöðu Gæslunnar í umfjöllun sinni.

Sam­kvæmt fjár­auka­lög­um sem Alþingi samþykkti und­ir lok nýliðins árs voru fram­lög til Land­helg­is­gæsl­unn­ar lækkuð um 61,4 millj­ón­ir fyr­ir árið 2017 vegna breyttra geng­is­for­sendna. Og sam­kvæmt fjár­lög­um árs­ins 2018 lækka fram­lög til rekstr­ar LHG um 20,2 millj­ón­ir króna á milli ára, kemur fram í fréttinni.

Eins og Fiskifréttir hafa fjallað um hefur verið ákveðið að kaupa þrjár nýjar björgunarþyrlur fyrir Gæsluna og undirbúningsvinna hófst í fyrrasumar. Gerð verður þarfagreining sem átti að ljúka við nú um áramótin og við tekur undirbúningur á útboðsgögnum með ríkiskaupum sem lokið verður fyrir árslok. Útboðið stendur yfir árið 2019 en þyrlurnar afhentar árin 2021 og 2022.