Eggert Benedikt Guðmundsson, forstjóri HB Granda hf., hefur ákveðið að láta af störfum hjá HB Granda hf., að því er segir á heimasíðu fyrirtækisins Engin nánari skýring er gefin en í hádegisfréttum RUV sagði að Eggert myndi taka við forstjórastarfi hjá N1.
Eggert var markaðsstjóri félagsins frá júlí 2004 til febrúar 2005 og hefur frá þeim tíma starfað sem forstjóri þess. Eggert lætur af störfum þann 31. júlí 2012.
HB Grandi hf. þakkar Eggerti fyrir vel unnin störf í þágu félagsins og óskar honum alls hins besta, segir á heimasíðunni.
