Fiskafli íslenskra skipa í ágúst 2016 var rúmlega 119 þúsund tonn, sem er 4% meiri afli en í ágúst 2015, að því er fram kemur í frétt á vef Hagstofunnar.
Botnfiskafli var rúm 33 þúsund tonn sem er aukning um 28%, þorskaflinn nam 17 þúsund tonnum í ágúst og jókst um 41% samanborið við ágúst 2015. Flatfiskafli jókst um 25% og skel- og krabbadýraafli um 28% miðað við ágúst 2015, en samdráttur varð í uppsjávarafla upp á 4%.
Á 12 mánaða tímabili hefur heildarafli dregist saman um 294 þúsund tonn á milli ára, sem er 22% aflasamdráttur, og vegur uppsjávarafli þar þyngst. Afli í ágúst metinn á föstu verðlagi var 2,6% meiri en í ágúst 2015
