Fimm tilboð vegna útboðs á varðskipinu Freyju

Nýlega efndu Ríkiskaup og Landhelgisgæsla Íslands til útboðs vegna kaupa á varðskipinu Freyju. Fimm tilboð bárust frá Atlantic Shipping A/S, C‐solutions ehf, Havila Shipping ASA, Maersk Supply Service A/S og United Offshore Support GmbH. Þetta kemur fram í opnunarskýrslu Ríkiskaupa. Tilboð voru opnuð í gær og nú er unnið að því að meta þau.

Þetta kemur fram í tilkynningu frá stjórnvöldum þar sem segir jafnframt:

Áslaug Arna Sigurbjörnsdóttir, dómsmálaráðherra, tilkynnti í mars að nýlegt varðskip yrði keypt fyrir Landhelgisgæsluna síðar á árinu. Starfshópur hóf strax undirbúning kaupanna. Dómsmálaráðherra lagði til að varðskipið fengi nafnið Freyja en fram að þessu hafa varðskip Landhelgisgæslunnar öll borið karlmannsnöfn úr norrænni goðafræði. Landhelgisgæslan tók vel í hugmyndina og hefur þegar tryggt sér einkarétt á skipsnafninu Freyju hjá Samgöngustofu. Gert er ráð fyrir að varðskipið Freyja verði komið til landsins fyrir næsta vetur.

Tilboðin voru eftirfarandi:

Atlantic Shipping A/S 1.100 milljónir króna

Maersk Supply Service A/S 1,253 milljónir króna (10.000.000 USD)

C‐solutions ehf 1.491 milljónir króna

United Offshore Support GmbH 1.753 milljónir króna

Havila Shipping ASA 2,101 milljón króna (13.627.000 EUR)