ESB: Varanleg undanþága ,,afskaplega ólíkleg"

Fyrr í dag var nokkrum fulltrúum úr sjávarútvegi gefinn kostur á að hitta Michael Köhler, ráðuneytisstjóra sjávarútvegmála hjá Evrópusambandinu.

Köhler útskýrði eitt og annað varðandi hina sameiginlegu sjávarútvegsstefnu ESB og svaraði spurningum.

Á vef Landssambands smábátaeigenda kemur fram að Arthur Bogason formaður LS, sem sat fundinn, hafi spurt ráðuneytisstjórann eftirfarandi spurningar:

„Hversu líklegt er að Ísland fái varanlega undanþágu frá hinni sameiginlegu sjávarútvegsstefnu ESB“?

Svarið kom að bragði:  „Afskaplega ólíklegt“.