ESB-ríkjum verður refsað fyrir að veiða umfram kvóta

ff

Fiskveiðiráð Evrópusambandsins hefur tilkynnt að kvóti þjóða innan sambandsins sem veiddu umfram úthlutaðan kvóta síðasta árs verði minnkaður um samsvarandi magn árið á eftir.

Ákvörðunin er réttlætt á þeirri forsendu að hægt sé að grípa í taumana strax með nauðsynlegum aðgerðum til verndunar fiskistofna. Skerðingin er aukin um 50% hjá þjóðum sem hafa farið yfir kvóta sinn í sömu tegund tvö ár í röð.

Vonast er til að aðgerðirnar dragi úr veiðum úr ofnýttum stofnum og sýni um leið að ráðamenn í sjávarútvegi innan Evrópusambandsins taki ofveiði alvarlega og vilji með öllu móti koma í veg fyrir hana, segir á vef ESB.