1.000 tonnum minna var landað á Fiskmarkaði Vestmannaeyja fyrstu níu mánuði þessa árs en á sama tíma í fyrra. Njáll Ragnarsson, framkvæmdastjóri Fiskmarkaðarins, óttast að einstaklingsútgerðir í Vestmannaeyjum heyri sögunni til innan fáeinna ára og sameinist stóru stöðvunum tveimur.
Njáll segir að auk þess sem einstaklingsútgerðum hafi fækkað séu stóru stöðvarnar farnar að vinna meira en áður af sínum afla. Hann er þeirrar skoðunar að það sem valdi fækkun einstaklingsútgerða sé sú staðreynd að þær standi ekki undir veiðigjöldum.
Fiskmarkaðirnir byggi sína afkomu að verulegu leyti á litlu útgerðunum og um leið um 400 kaupendur sem eru rekstraraðilar fiskvinnslufyrirtækja án útgerðar í landinu.
Sjá nánar í Fiskifréttum.
