Tímarit Fiskifrétta, sem gefið er út á hverju hausti, kom út í síðustu viku. Meðal efnis:

• Heimsókn til Hornafjarðar.

Rætt við Ásgeir Gunnarsson starfandi framkvæmdastjóra Skinneyjar-Þinganess og Hjalta Þór Vignisson framkvæmdastjóra þróunar- og sölumála.

Unnsteinn Þráinsson trillukarl, framkvöðull í makrílveiðum smábáta, tekinn tali.

Litið inn hjá Ómari Franssyni sem heitreykir makríl og fleira þegar ekki gefur á sjó.

• Saga og þróun fiskeldis á Íslandi. Rætt við Höskuld Steinarsson og Gunnar Davíðsson í Noregi.

• Að geyma fisk í sjó. Sveinn Hjörtur Hjartarson hagfræðingur ritar grein um þróun sjávarútvegsins frá upphafi kvótakerfisins til dagsins í dag.

• Túnfiskur við Ísland. Rakin saga túnfiskveiða hér við land.

• Nýjar fisktegundir við Ísland. Rætt við Jónbjörn Pálsson fiskifræðing.

• Umhverfisvæn skip. Hjörtur Emilsson skipaverkfræðingur rekur þróun skipahönnunar.

• Búsvæði á hafsbotni. Lífríki undirdjúpanna í máli og myndum.

• Byltingarkenndur bátsskrokkur. Uppfinning Rafnars ehf. vekur athygli erlendis.

* Orðaflaumur stjórnmálanna. Ingi Jóhann Guðmundsson framkvæmdastjóri Gjögurs fjallar um fyrirtækið og sjávarútvegsumræðuna.