Sjómannadagsblað Fiskifrétta kom út í dag. Meðal efnis:
Stímt á ísjaka og þrisvar á hliðina – Svaðilför togarans Mars RE árið 1968
Á hokinhala og búra - Guðbjartur Þórarinsson var togaraskipstjóri við strendur Ástralíu.
Þriðji hver maður hlaut að deyja - Örlagasaga viðgerðarskipsins Heclu á styrjaldarárunum.
Í mokfiskiríi við Namibíu - Gunnþór Sveinbjörnsson var skipstjóri á togaranum Rex þar syðra um átta ára skeið.
Skálar á Langanesi – horfið sjávarþorp þar sem áður var iðandi mannlíf.
Fasteignasali gerist trillukarl í Noregi – rætt við Sigurð Hjaltested í Finnmörku.
Sjósókn Fljótamanna fyrr á tíð – rætt við hagleiksmanninn Njörð Sæberg Jóhannsson.
Einnig er viðtal við Jón Pétursson aldraðan togarajaxl að norðan. Hagbarður Marínósson trilluskipstjóri í Bolungarvík er tekinn tali. Farið í róður með dragnótabátnum Sigurfara GK. Spjallað við Hilmar Snorrason skólastjóra um sérstöðu Íslendinga í slysavörnum til sjós. Tryggvi Sigurðsson vélstjóri í Eyjum segir gamansögur af sjómönnum og birt er uppgjör eftir vetrarvertíðina 2016 og horft til baka til vertíðarinnar fyrir 50 árum.
