Jólablað Fiskifrétta 2014 kom út í dag. Að venju er blaðið mikið að vöxtum (88 síður) og afar fjölbreytt. Meðal efnis:
Tuttugu ára „útlegð“ – Skúli Elíasson hefur stundað veiðar sunnan frá syðsta odda Afríku og norður fyrir Svalbarða.
Á línuveiðum við Nýfundnaland – Óli Björn Björgvinsson skipstjóri á Ocean Breeze kynntist ýmsu óvæntu á Nýfundnalandsmiðum á þessu ári.
Á sandölum og ermalausum bol – Daníel Guðbjartsson stundaði veiðar á rándýrri krabbategund úti fyrir ströndum Ástralíu.
Náttúrubarnið Dáni kálfur – Hálfdán Guðröðarson úr Kálfavík í Skötufirði í Djúpi, sjómaður og veiðimaður, hefur marga fjöruna sopið.
Bjarni Sæmundsson – fyrsti fiskifræðingur Íslendinga.
Í vosbúð og vitlausu veðri – Ótrúlegar hrakfarir mótorbátsins Kristjáns árið 1940 sem var á reki í 12 daga.
Quentin Bates – sjómaður, sjávarútvegsblaðamaður og glæpasagnarithöfundur.
Börðust fyrir lífi sínu í froststormi og blindhríðarbyl – sjóslys á Reykjanesi í tímans rás.
Smábátaútgerð á Norður-Atlantshafi – Ísland, Grænland, Nýfundnaland, Færeyjar Danmörk og Noregur.
Einnig:
Upphaf frystitogaraútgerðar á Íslandi.
Þróun í hönnun og smíði uppsjávarskipa.
Doktorsnemi í sögu flottrolls.
Kafli úr bókinni Tarfurinn frá Skalpaflóa – saga kafbátskappa.
Heilsufar sjómanna – nýjar reglur innleiddar.
Vannýttar fisktegundir á Íslandsmiðum.
Og fleira.
