Fiskifréttir óska lesendum sínum og viðskiptamönnum gleðilegra jóla og gæfuríks komandi árs.
Í jólablaði Fiskifrétta kennir ýmissa grasa. Meðal efnis er þetta:
Mállaus í fyrsta túr . – Þór Einarsson skipstjóri í Chile segir frá áratuga reynslu sinni af veiðum á framandi slóð.
Frumkvöðlar í túnfiskveiðum Íslendinga. – Sveinn Rúnar Valgeirsson skipstjóri í Vestmannaeyjum rifjar upp tilraunaveiðar Byrs VE á túnfiski sem reyndist mikil þrautarganga vegna ýmissa ytri aðstæðna.
Fylltum okkur í hvelli . – Kristbjörn Árnason skipstjóri á Sigurði VE segir frá óvenjulegum loðnuveiðum við Nýfundnaland árið 1975.
Hefur áhyggjur af framtíð loðnuveiða . – Viðtal við Guðlaug Jónsson skipstjóra á Venusi NS um sjómannsferilinn, uggvænlegar horfur í loðnuveiðum og skort á rannsóknum vegna fjársveltis Hafrannsóknastofnunar.
Háskaveiðar. – Krabbaskipstjóri í Alaska segir frá þátttöku sinni í sjónvarpsseríunni Deadliest Catch, áhuga á umhverfismálum og veiðum á þorski í gildrur.
Þetta er afætukerfi. – Eymar Einarsson á Akranesi kveðst hafa hrakist úr hverjum veiðunum af öðrum vegna stjórnvaldsaðgerða.
Hvetur til stóraukinna veiða á vetrarvertíð . – Grétar Þorgeirsson skipstjóri er gagnrýninn á aðferðafræði Hafrannsóknastofnunar.
Af öðru efni má nefna að Fiskifréttir brugðu sér í róður með Gullhólma SH fyrir norðan á aðventunni; rætt við Guðmund J. Óskarsson fiskifræðing um f ramtíðarhorfur í uppsjávarveiðum ; tvö mannskæð sjóslys á jólanótt fyrir þrjátíu árum; ótrúlegar hrakningar skipbrotsmanna á póstskipinu Phönix sem strandaði í Miklaholtshreppi á ofanverðri nítjándu öld; og margt fleira.
