Dótturfélag Brims hf. hefur fest kaup á togaranum Brettingi KE. Skipið er kvótalaust en er þegar farið á veiðar á rækju og grálúðu og stefnt er að því að það fari á makrílveiðar síðar í sumar. Þetta staðfesti Guðmundur Kristjánsson útgerðarmaður í samtali við Viðskiptablaðið.
Brettingur var smíðaður í Japan árið 1973 fyrir Vopnfirðinga og var gerður út frá Vopnafirði allt þar til hann var seldur til útlanda fyrir nokkrum árum. Skipið var síðan keypt aftur til landsins og hefur verið gert út frá Keflavík síðan.
