Mikil bylgja laxalúsar gengur nú yfir eldiskvíar í Norður-Noregi, allt frá eynni Andøya til Mehamn í Finnmörku. Samkvæmt útreikningum Norsku hafrannsóknastofnunarinnar klekjast út 160 milljónir nýrra laxalúsa á hverri klukkustund sem er áttfalt meira en var á sama tíma í fyrra. Sumarið á þessum slóðum var óvenjuhlýtt og var sjávarhiti lengst af yfir 17 gráðum úti fyrir Lófóten. Meðal annars þetta hefur valdið miklum kipp í fjölgun laxalúsar.
Ann Sandvik, sérfræðingur hjá hafrannsóknastofnuninni, segir öfgafullt ástand ríkja. Sandvik útbýr lúsaskýrslu í hverri viku sem byggð er á tölum sem eldisfyrirtækin tilkynna til norska matvælaeftirlitsins og Fiskistofu. Út frá laxalúsalíkani hafrannsóknastofnunarinnar reiknar hún út hve margar nýjar lúsalirfur klekjast út á klukkustund. Eldisfyrirtækin eiga að sjá til þess að aldrei sé meira en 0,5 fullorðin kvenlús á hvern eldisfisk í kvíunum. Nú eru nokkur dæmi um að farið hafi verið langt yfir þessi mörk.
Mikil bylgja laxalúsar gengur nú yfir eldiskvíar í Norður-Noregi, allt frá eynni Andøya til Mehamn í Finnmörku. Samkvæmt útreikningum Norsku hafrannsóknastofnunarinnar klekjast út 160 milljónir nýrra laxalúsa á hverri klukkustund sem er áttfalt meira en var á sama tíma í fyrra. Sumarið á þessum slóðum var óvenjuhlýtt og var sjávarhiti lengst af yfir 17 gráðum úti fyrir Lófóten. Meðal annars þetta hefur valdið miklum kipp í fjölgun laxalúsar.
Ann Sandvik, sérfræðingur hjá hafrannsóknastofnuninni, segir öfgafullt ástand ríkja. Sandvik útbýr lúsaskýrslu í hverri viku sem byggð er á tölum sem eldisfyrirtækin tilkynna til norska matvælaeftirlitsins og Fiskistofu. Út frá laxalúsalíkani hafrannsóknastofnunarinnar reiknar hún út hve margar nýjar lúsalirfur klekjast út á klukkustund. Eldisfyrirtækin eiga að sjá til þess að aldrei sé meira en 0,5 fullorðin kvenlús á hvern eldisfisk í kvíunum. Nú eru nokkur dæmi um að farið hafi verið langt yfir þessi mörk.
