Niðurstöður nýlegum leiðangri Hafrannsóknastofnunar benda til að ástand úthafsrækjustofnsins hafi versnað aðeins frá síðasta ári, að því er fram kemur á vef stofnunarinnar.
Ýmsar ástæður geta verið fyrir versnandi ástandi rækjustofnsins, m.a. aukin þorskgengd inn á svæðið sem veldur auknu afráni á rækju, einkum ungrækju. Einnig er hugsanlegt að auknar rækjuveiðar á síðustu tveimur fiskveiðiárum hafi haft þau áhrif að rækjan verði aðgengilegri fyrir þorskinn sem leiði til aukins afráns á rækju. Aðrir þættir, s.s. hlýnun sjávar sem flýtir tíma klaks sem hittir þá síður á hámark þörungablómans hefur líka mikil áhrif á nýliðun, segir á vef Hafrannsóknastofnunar.
