Arnarlax greiddi á síðasta ári 327 milljónir króna til ríkisins í auðlindagjald af laxeldi í sjó. Var það 68% hærri fjárhæð en árið áður þegar auðlindagjaldið var 194 milljónir króna. Fyrsta árið sem gjaldið var innheimt var 2020 og þá nam fjárhæðin 29 milljónum króna. Vefmiðillinn www.bb.is segir frá.
Gjald á hvert kíló hefur aukist verulega síðustu ár. Árið 2021 var það 4 krónur á hvert kíló og árið 2023 var það komið í 18,30 kr.
Á þessu ári, 2024 er auðlindagjaldið, sem nefnist fiskeldisgjald í lögunum, 30,44 kr./kg og hefur hækkað um 66% milli ára.
Þriðjungur gjaldsins rennur í Fiskeldissjóð og er því ráðstafað til þeirra sveitarfélaga þar sem fiskeldið er stundað. Tveir þriðju hlutar gjaldsins rennur beint í ríkissjóð.
Á árinu 2023 veitti sjóðurinn styrki til 12 verkefna fyrir alls 248 milljónir króna. Fjögur verkefni runnu til Vesturbyggðar, eitt til Tálknafjarðarhrepps og eitt til Bolungarvíkur eða samtals 127 milljónir króna á starfssvæði Arnarlax segir í kynningu Arnarlax á samfélagsspori laxeldis þess.
Arnarlax greiddi á síðasta ári 327 milljónir króna til ríkisins í auðlindagjald af laxeldi í sjó. Var það 68% hærri fjárhæð en árið áður þegar auðlindagjaldið var 194 milljónir króna. Fyrsta árið sem gjaldið var innheimt var 2020 og þá nam fjárhæðin 29 milljónum króna. Vefmiðillinn www.bb.is segir frá.
Gjald á hvert kíló hefur aukist verulega síðustu ár. Árið 2021 var það 4 krónur á hvert kíló og árið 2023 var það komið í 18,30 kr.
Á þessu ári, 2024 er auðlindagjaldið, sem nefnist fiskeldisgjald í lögunum, 30,44 kr./kg og hefur hækkað um 66% milli ára.
Þriðjungur gjaldsins rennur í Fiskeldissjóð og er því ráðstafað til þeirra sveitarfélaga þar sem fiskeldið er stundað. Tveir þriðju hlutar gjaldsins rennur beint í ríkissjóð.
Á árinu 2023 veitti sjóðurinn styrki til 12 verkefna fyrir alls 248 milljónir króna. Fjögur verkefni runnu til Vesturbyggðar, eitt til Tálknafjarðarhrepps og eitt til Bolungarvíkur eða samtals 127 milljónir króna á starfssvæði Arnarlax segir í kynningu Arnarlax á samfélagsspori laxeldis þess.
