Fiskistofa sér tilefni til að birta ábendingu á heimasíðu sinni um veiðar á laxfiskum á Pollinum á Akureyri á ósasvæði Eyjafjarðarár, „að gefnu tilefni“ eins og segir á heimasíðunni. Þar segir að veiði laxfiska sé samkvæmt matsgerð tveggja dómskvaddra matsmanna frá árinu 2000 en niðurstaða þeirra var sú að verndarsvæði Eyjafjarðarár innan umdæmis Veiðifélags Eyjafjarðarár nái tvo kílómetra út frá ósi hennar. Hafrannsóknastofnun telur rökrétt skref hjá Veiðifélagi Eyjafjarðarár að banna bleikjuveiði til löndunar á sínu félagssvæði og mælir enn fremur með því að allri netaveiði verði hætt í Eyjafirði þar til bleikjustofninn hafi náð sér aftur á strik.
„Veiði er því háð leyfi veiðifélagsins og þeim reglum sem veiðifélagið setur um veiðina í nýtingaráætlun. Allar upplýsingar um veiðileyfi fyrir laxfiska í Pollinum frá landi má nálgast hjá Veiðfélagi Eyjafjarðarár. Athugið að: Reglur Veiðifélags Eyjafjarðarár heimila ekki veiði á sjóbleikju úr báti á Pollinum. Veiðifélag Eyjafjarðarár gerir þá kröfur til veiðimanna í þeirra umdæmi að sleppa skuli allri bleikju sem veiðist," segir Fiskistofa. „Þessar aðgerðir eru taldar nauðsynlegar með tilliti til stöðu bleikjustofns árinnar og í samræmi við tilmæli í umsögn Hafrannsóknastofnunar vegna fram lagðrar nýtingaráætlunar Veiðifélags Eyjafjarðarár fyrir sjóbleikju.“
Veiðin minnkað mikið
Fiskistofa óskaði í febrúar síðastliðnum eftir umsögn Hafrannsóknastofnunar vegna framlagðrar nýtingaráætlunar Veiðifélags Eyjafjarðarár fyrir Eyjafjarðará. Í umsögninni segir m.a. að Eyjafjarðará er ein af þeim ám þar sem bleikja er ríkjandi og umtalsverð bleikjuveiði hefur verið stunduð, en talið er að langflestar bleikjur sem veiðast í ánni séu sjógengnar. Meðalbleikjuveiði í Eyjafjarðará er 1.558 bleikjur á ári á árunum frá 1990-2022. Mest var veiðin 1994 þegar 3.319 bleikju voru skráðar í veiði. Sumarið 2022 voru skráðar 120 bleikjur veiddar í ánni, en taka má fram að þá voru komnar veiðitakmarkanir. Nokkuð af sjógengnum urriða veiðist í ánni og er meðalveiði sama tímabils 253 urriðar.
Í umsögninni segir einnig að það er ljóst að bleikjustofn Eyjafjarðarár hefur minnkað mikið síðustu ár en reynsla er fyrir því að miðað við sambærilega sókn gefa veiðitölur ákveðna mynd af stærð stofna í ám. Samskonar fækkun bleikju hefur komið fram í öðrum ám sem falla til Eyjafjarðar þótt hlutfallsleg minnkun í fjölda sé langmest í Eyjafjarðará.
„Miðað við stöðu bleikjustofna í ám við Eyjafjörð, telur Hafrannsóknastofnun rökrétt skref hjá veiðifélagi Eyjafjarðarár að banna bleikjuveiði til löndunar á sínu félagssvæði. Miðað við ástand stofnsins í ljósi veiðitalna síðustu ára og seiðaþéttleika , hefði verið ástæða til þess mun fyrr. Jafnframt telur Hafrannsóknastofnun að stofnstærð bleikju í Eyjafjarðará sé það lítil að hún standi ekki undir þeirri veiði sem hefur verið í sjó. Í því ljósi og samkvæmt varúðarreglu mælir Hafrannsóknastofnun einnig með því að allri netaveiði í Eyjafirði verði hætt þar til ástand stofnsins sýni að hann hefur aftur náð veiðiþoli. Hafrannsóknastofnun hvetur til þess að önnur veiðifélög við Eyjafjörð stigi sambærileg skref og banni löndun á bleikju,“ segir í umsögn Hafrannsóknastofnunar.
Fiskistofa sér tilefni til að birta ábendingu á heimasíðu sinni um veiðar á laxfiskum á Pollinum á Akureyri á ósasvæði Eyjafjarðarár, „að gefnu tilefni“ eins og segir á heimasíðunni. Þar segir að veiði laxfiska sé samkvæmt matsgerð tveggja dómskvaddra matsmanna frá árinu 2000 en niðurstaða þeirra var sú að verndarsvæði Eyjafjarðarár innan umdæmis Veiðifélags Eyjafjarðarár nái tvo kílómetra út frá ósi hennar. Hafrannsóknastofnun telur rökrétt skref hjá Veiðifélagi Eyjafjarðarár að banna bleikjuveiði til löndunar á sínu félagssvæði og mælir enn fremur með því að allri netaveiði verði hætt í Eyjafirði þar til bleikjustofninn hafi náð sér aftur á strik.
„Veiði er því háð leyfi veiðifélagsins og þeim reglum sem veiðifélagið setur um veiðina í nýtingaráætlun. Allar upplýsingar um veiðileyfi fyrir laxfiska í Pollinum frá landi má nálgast hjá Veiðfélagi Eyjafjarðarár. Athugið að: Reglur Veiðifélags Eyjafjarðarár heimila ekki veiði á sjóbleikju úr báti á Pollinum. Veiðifélag Eyjafjarðarár gerir þá kröfur til veiðimanna í þeirra umdæmi að sleppa skuli allri bleikju sem veiðist," segir Fiskistofa. „Þessar aðgerðir eru taldar nauðsynlegar með tilliti til stöðu bleikjustofns árinnar og í samræmi við tilmæli í umsögn Hafrannsóknastofnunar vegna fram lagðrar nýtingaráætlunar Veiðifélags Eyjafjarðarár fyrir sjóbleikju.“
Veiðin minnkað mikið
Fiskistofa óskaði í febrúar síðastliðnum eftir umsögn Hafrannsóknastofnunar vegna framlagðrar nýtingaráætlunar Veiðifélags Eyjafjarðarár fyrir Eyjafjarðará. Í umsögninni segir m.a. að Eyjafjarðará er ein af þeim ám þar sem bleikja er ríkjandi og umtalsverð bleikjuveiði hefur verið stunduð, en talið er að langflestar bleikjur sem veiðast í ánni séu sjógengnar. Meðalbleikjuveiði í Eyjafjarðará er 1.558 bleikjur á ári á árunum frá 1990-2022. Mest var veiðin 1994 þegar 3.319 bleikju voru skráðar í veiði. Sumarið 2022 voru skráðar 120 bleikjur veiddar í ánni, en taka má fram að þá voru komnar veiðitakmarkanir. Nokkuð af sjógengnum urriða veiðist í ánni og er meðalveiði sama tímabils 253 urriðar.
Í umsögninni segir einnig að það er ljóst að bleikjustofn Eyjafjarðarár hefur minnkað mikið síðustu ár en reynsla er fyrir því að miðað við sambærilega sókn gefa veiðitölur ákveðna mynd af stærð stofna í ám. Samskonar fækkun bleikju hefur komið fram í öðrum ám sem falla til Eyjafjarðar þótt hlutfallsleg minnkun í fjölda sé langmest í Eyjafjarðará.
„Miðað við stöðu bleikjustofna í ám við Eyjafjörð, telur Hafrannsóknastofnun rökrétt skref hjá veiðifélagi Eyjafjarðarár að banna bleikjuveiði til löndunar á sínu félagssvæði. Miðað við ástand stofnsins í ljósi veiðitalna síðustu ára og seiðaþéttleika , hefði verið ástæða til þess mun fyrr. Jafnframt telur Hafrannsóknastofnun að stofnstærð bleikju í Eyjafjarðará sé það lítil að hún standi ekki undir þeirri veiði sem hefur verið í sjó. Í því ljósi og samkvæmt varúðarreglu mælir Hafrannsóknastofnun einnig með því að allri netaveiði í Eyjafirði verði hætt þar til ástand stofnsins sýni að hann hefur aftur náð veiðiþoli. Hafrannsóknastofnun hvetur til þess að önnur veiðifélög við Eyjafjörð stigi sambærileg skref og banni löndun á bleikju,“ segir í umsögn Hafrannsóknastofnunar.
