Í vorleiðangri Hafrannsóknastofnunarinnar sem lauk 28. maí kom í ljós að hiti og selta voru yfir langtímameðaltali umhverfis landið. Hiti í Austur-Íslandsstraumi var heldur lægri en verið hefur síðustu árin.
Vorkoma gróðurs virðist hafa orðið snemma í ár og vorblóminn því víða yfirstaðinn á grynnstu stöðvunum við landið. Í heild var átumagn við landið í vorleiðangri um eða yfir meðallagi.
Leiðangurinn var farinn á rannsóknaskipinu Bjarna Sæmundssyni.
Sjá nánar á vef Hafrannsóknastofnunarinnar, HÉR
