Langt er komið að bóka tiltækt sýningarrými á Íslensku sjávarútvegssýningunni 2014 sem haldin verður í Smáranum í Kópavogi dagana 25.-27. september á næsta ári. Nú þegar hafa 85% rýmisins verið pöntuð og innan við 30 sýningarbásum er óráðstafað.
„Þetta er í ellefta skipti sem Íslenska sjávarútvegssýningin er haldin. Síðasta sýning reyndist mörgum sýnendum svo gagnleg að mér kæmi ekki á óvart þótt sú næsta yrði sú stærsta í sögu sýningarinnar,“ sagði Marianne Rasmussen-Coulling framkvæmdastjóri hennar.
Þegar hefur verið staðfest að svokallaðir þjóðarbásar verði settir upp í nafni Danmerkur, Færeyja, Noregs og Bretlands. Næstum allir íslensku sýnendurnir, sem þátt tóku í síðustu sýningu, hafa endurbókað sýningarbása sína. Þá má nefna að fyrirtæki í Grindavík hafa tekið sig saman um einn sameiginlegan bás. Ýmis erlend fyrirtæki sem ekki hafa verið þátttakendur áður hafa nú pantað sýningarrými.
Sjá nánar í nýjustu Fiskifréttum.
