Það var mikið um að vera hjá starfsmönnum frystigeymslu Síldarvinnslunnar í Neskaupstað í síðustu viku. Þá var skipað út hvorki meira né minna en 5.000 tonnum af frystum afurðum og fór megnið af þeim um borð í tvö frystiskip. Fyrra skipið var afgreitt frá laugardegi til þriðjudags og tók það 2.600 tonn en hið síðara tók 2.300 tonn og var afgreitt á 12 tímum sl. fimmtudag. Að auki má segja að samfellt sé verið að setja í gáma sem fara um borð í skip í Mjóeyrarhöfn á Reyðarfirði.
„Jú, þetta er býsna mikið en það var mikil þörf á þessum útskipunum því þröngt var orðið í geymslunum sem taka um 20.000 tonn. Útskipunin í seinna skipið, eða það sem afgreitt var á fimmtudaginn, er alger metútskipun. Að skipa út 2.300 tonnum á 12 tímum er í einu orði sagt rosalegt og væri ekki hægt nema vegna þess að við erum með frábæran mannskap sem kann svo sannarlega til verka," segir Stefán Einar Elmarsson, yfirmaður í frystigeymslunum í samtali við heimasíðu Síldarvinnslunnar.
„Staðreynin er sú að hér hefur aldrei farið jafn mikið magn um borð í skip á einum degi. Það sem skipað var út í vikunni var að mestu leyti síld en þó fóru um 200 tonn af makríl og 80 tonn af bolfiski í fyrra skipið og um 240 tonn af makríl í hið síðara. Nú hefur verið skapað dálítið pláss í frystigeymslunum fyrir þá síld sem verið er að framleiða en auðvitað þarf sífellt að vera að rýma til fyrir það sem framleitt er,” segir Stefán Einar.
Það var mikið um að vera hjá starfsmönnum frystigeymslu Síldarvinnslunnar í Neskaupstað í síðustu viku. Þá var skipað út hvorki meira né minna en 5.000 tonnum af frystum afurðum og fór megnið af þeim um borð í tvö frystiskip. Fyrra skipið var afgreitt frá laugardegi til þriðjudags og tók það 2.600 tonn en hið síðara tók 2.300 tonn og var afgreitt á 12 tímum sl. fimmtudag. Að auki má segja að samfellt sé verið að setja í gáma sem fara um borð í skip í Mjóeyrarhöfn á Reyðarfirði.
„Jú, þetta er býsna mikið en það var mikil þörf á þessum útskipunum því þröngt var orðið í geymslunum sem taka um 20.000 tonn. Útskipunin í seinna skipið, eða það sem afgreitt var á fimmtudaginn, er alger metútskipun. Að skipa út 2.300 tonnum á 12 tímum er í einu orði sagt rosalegt og væri ekki hægt nema vegna þess að við erum með frábæran mannskap sem kann svo sannarlega til verka," segir Stefán Einar Elmarsson, yfirmaður í frystigeymslunum í samtali við heimasíðu Síldarvinnslunnar.
„Staðreynin er sú að hér hefur aldrei farið jafn mikið magn um borð í skip á einum degi. Það sem skipað var út í vikunni var að mestu leyti síld en þó fóru um 200 tonn af makríl og 80 tonn af bolfiski í fyrra skipið og um 240 tonn af makríl í hið síðara. Nú hefur verið skapað dálítið pláss í frystigeymslunum fyrir þá síld sem verið er að framleiða en auðvitað þarf sífellt að vera að rýma til fyrir það sem framleitt er,” segir Stefán Einar.
