Samkvæmt upplýsingum frá aðgerðasviði Landhelgisgæslunnar eru 100-150 skip að jafnaði á sjó innan lögsögu Íslands þessa dagana, þar af 22 erlend loðnuskip, að því er fram kemur á vef Gæslunnar.
Loðnuflotinn er um 80 sjómílur út af Gerpi og hefur varðskipið Týr fylgt flotanum eftir síðustu daga og hefur áhöfn þess farið til eftirlits um borð í skipin.
Fiskiskipaflotin er annars dreifður um grunnslóð en mest er umferðin við Suðvesturland og fyrir austan land. Bræla er á norður og norðvesturmiðum fram á miðvikudagskvöld og ísing á Grænlandssundi og Norðurdjúpi. Sex skyndilokanir eru í gildi, flestar fyrir Vesturlandi.
