Sjávarhiti í hlýsjónum fyrir sunnan og vestan land var á bilinu 7,9-8,3° sem er lítillega undir meðalhita viðmiðunartímabilsins 1991-2020, en aftur á móti var innflæði hlýsjávar norður fyrir landtöluvert meira en í fyrra.

Þetta er meðal niðurstaðna úr rannsóknarleiðangri Hafrannsóknastofnunar umhverfis landið dagana 15.-26. maí síðastliðinn.

Þrálátar lægðir í vor eru sagðar hafa „viðhaldið lóðréttri blöndun sjávarins sem hægir á hlýnun yfirborðslagsins“ fyrir í hlýsjónum sunnan og vestan.

Siglt var á rannsóknaskipinu Bjarna Sæmundssyni og athugað með ástand sjávar, næringarefni, plöntusvif og dýrasvif á miðunum umhverfis landið.

Selta nálægt meðaltali

Selta sjávar reyndist hins vegar nálægt meðaltali viðmiðunartímabilsins.

„Seltan hefur farið vaxandi undanfarin ár frá því lágmarki sem mældist árið 2017. Þetta bendir til að hlýsjórinn að sunnan hafi verið með svipuðum eiginleikum og undanfarin ár,“ segir á vef Hafrannsóknastofnunar.

Úti fyrir miðju Norðurlandi höfðu bæði hita og selta hækkað miðað við seinustu þrjú ár og voru vel yfir gildum viðmiðunartímabilsins 1991-2020 með hita í efri lögum á bilinu 5,5-6,1°C.

Innflæðis Atlantssjávar gætti hins vegar lítið þegar komið var austur fyrir Melrakkasléttu.

„Allt frá Langanessniði Norðaustur og að Krossanessniði voru bæði hiti og selta í yfirborðslaginu nærri langtímameðaltali með hita á bilinu 2,6-3,5 °C í efstu 50 metrum sjávarins á stöðvum yfir landgrunninu.“

Fyrir utan landgrunnsbrúnina í Austur-Íslandsstraumnum var hiti lægri eða 1-2°C.

Vorblómi ekki hafinn

Í leiðangrinum var magn plöntusvifs kannað með mælingum á styrk blaðgrænu og flúrljómun. Einnig var magn dýrasvifs kannað.

Um plöntusvifið segir Hafrannsóknastofnun:

„Lítill gróður var kominn á stærstum hluta rannsóknasvæðisins og vorblómi svifþörunga því líklega ekki hafinn. Undantekningar voru á einstaka stöðum eins og í utanverðum Faxaflóa.

Norðvestan lands og í Grænlandssundi var töluverður gróður á ystu stöðvum. Þar var lagskipting sterk vegna seltulágs pólsjávar. Töluverður gróður var á einstaka flekkjum norðaustan lands og á stöðvum næst landi fyrir norðan. Lítill gróður var sunnan lands.“

Vorið kom seint

Um dýrasvifið segir að magn þess hafi verið mest vestur, norður og norðaustur af landinu:

„Magn dýrasvifs í yfirborðslögum var þónokkuð yfir langtímameðaltali á Vestur- og Norðurmiðum en undir meðallagi fyrir austan og sunnan land. Í samanburði við vorið 2022 var magn dýrasvifs talsvert meira í ár fyrir vestan og norðan en minna magn fyrir austan og sunnan. Hið aukna magn dýrasvifs fyrir vestan og norðan gæti tengst miklu innfæði hlýsjávar norður fyrir land.“

„Óvenjulegt er að minni lífmassi dýrasvifs sé fyrir sunnan á þessum árstima svo að líklegt er vorkoma í sjónum sunnan lands hafi verið sein í ár.

Sjávarhiti í hlýsjónum fyrir sunnan og vestan land var á bilinu 7,9-8,3° sem er lítillega undir meðalhita viðmiðunartímabilsins 1991-2020, en aftur á móti var innflæði hlýsjávar norður fyrir landtöluvert meira en í fyrra.

Þetta er meðal niðurstaðna úr rannsóknarleiðangri Hafrannsóknastofnunar umhverfis landið dagana 15.-26. maí síðastliðinn.

Þrálátar lægðir í vor eru sagðar hafa „viðhaldið lóðréttri blöndun sjávarins sem hægir á hlýnun yfirborðslagsins“ fyrir í hlýsjónum sunnan og vestan.

Siglt var á rannsóknaskipinu Bjarna Sæmundssyni og athugað með ástand sjávar, næringarefni, plöntusvif og dýrasvif á miðunum umhverfis landið.

Selta nálægt meðaltali

Selta sjávar reyndist hins vegar nálægt meðaltali viðmiðunartímabilsins.

„Seltan hefur farið vaxandi undanfarin ár frá því lágmarki sem mældist árið 2017. Þetta bendir til að hlýsjórinn að sunnan hafi verið með svipuðum eiginleikum og undanfarin ár,“ segir á vef Hafrannsóknastofnunar.

Úti fyrir miðju Norðurlandi höfðu bæði hita og selta hækkað miðað við seinustu þrjú ár og voru vel yfir gildum viðmiðunartímabilsins 1991-2020 með hita í efri lögum á bilinu 5,5-6,1°C.

Innflæðis Atlantssjávar gætti hins vegar lítið þegar komið var austur fyrir Melrakkasléttu.

„Allt frá Langanessniði Norðaustur og að Krossanessniði voru bæði hiti og selta í yfirborðslaginu nærri langtímameðaltali með hita á bilinu 2,6-3,5 °C í efstu 50 metrum sjávarins á stöðvum yfir landgrunninu.“

Fyrir utan landgrunnsbrúnina í Austur-Íslandsstraumnum var hiti lægri eða 1-2°C.

Vorblómi ekki hafinn

Í leiðangrinum var magn plöntusvifs kannað með mælingum á styrk blaðgrænu og flúrljómun. Einnig var magn dýrasvifs kannað.

Um plöntusvifið segir Hafrannsóknastofnun:

„Lítill gróður var kominn á stærstum hluta rannsóknasvæðisins og vorblómi svifþörunga því líklega ekki hafinn. Undantekningar voru á einstaka stöðum eins og í utanverðum Faxaflóa.

Norðvestan lands og í Grænlandssundi var töluverður gróður á ystu stöðvum. Þar var lagskipting sterk vegna seltulágs pólsjávar. Töluverður gróður var á einstaka flekkjum norðaustan lands og á stöðvum næst landi fyrir norðan. Lítill gróður var sunnan lands.“

Vorið kom seint

Um dýrasvifið segir að magn þess hafi verið mest vestur, norður og norðaustur af landinu:

„Magn dýrasvifs í yfirborðslögum var þónokkuð yfir langtímameðaltali á Vestur- og Norðurmiðum en undir meðallagi fyrir austan og sunnan land. Í samanburði við vorið 2022 var magn dýrasvifs talsvert meira í ár fyrir vestan og norðan en minna magn fyrir austan og sunnan. Hið aukna magn dýrasvifs fyrir vestan og norðan gæti tengst miklu innfæði hlýsjávar norður fyrir land.“

„Óvenjulegt er að minni lífmassi dýrasvifs sé fyrir sunnan á þessum árstima svo að líklegt er vorkoma í sjónum sunnan lands hafi verið sein í ár.