Nýverið fór fram verðlaunaafhending í London þar sem veitt voru verðlaun fyrir bestu Fish&Chips staðina í Bretlandi. Fiskur og franskar eru stór hluti af breskri menningu og hlýtur þessi verðlaunaafhending mikla athygli þar í landi ár hvert.
Þorbjörn hefur í áraraðir framleitt afurðir fyrir þennan markað og á marga dygga viðskiptavini vítt og breytt um Bretland.
Það var því virkilega ánægjulegt fyrir Þorbjörn að eiga 3 tilnefningar í flokknum „Fish & Chips takeaway of the year".
Að endingu fór það svo að Geoff Whitehead sigraði í flokknum, en hann hefur keypt vörur af af togurum Þorbjarnar í Grindavík, Hrafni Sveinbjarnarsyni og Tómasi Þorvaldssyni í áraraðir.
„Við leggjum mikið upp úr að skila fyrsta flokks afurð til kaupenda og eiga þar sjómenn okkar hrós skilið. Síðasta sumar var sett upp nýtt og fullkomið vinnsludekk í Tómasi Þorvaldssyni sem tók mið af því að auka gæði vörunnar. Þetta er greinilega að skila sér,“ segir í frétt á Facebook-síðu Þorbjarnar.
